КІШЧАНКА (КИЩЕНКО) Палікарп Маркавіч

[1886, в. Робішы (?), цяпер тэрыторыя Віцебскага р-на (вёска не існуе) — ?]. Беларус. З сялянскай сям’і. У 1920-я г. настаяцель Увазнясенскай царквы в. Стралкі Дрысенскага пав. Віцебскай губ., цяпер Верхнядзвінскі р-н Віцебскай вобл. Арыштаваны 26.4.1933. Асуджаны 26.5.1933 са старастам царквы Гардзеем Цецервянком і інш. асобай нарадай пры АДПУ за «антысавецкую агітацыю» дa 8 гадоў ППК. Далейшы лёс невядомы. Рэабілітаваны 25.4.1989 пракуратурай БВА. Асабовая справа К. захоўваецца ў архіве УКДБ Віцебскай вобл.

Кр.: НАРБ, ІКБР.