КАСМАЧЭЎСКІ (КАСМАЧЕВСКИЙ) Аляксій Васілевіч

[1864, Быхаўскі пав. Магілёўскай губ. — ?]. Скончыў духоўную семінарыю, рукапаложаны ў іерэя. У 1920-я г. настаяцель храма в. Антонава Буда Магілёўскага пав., цяпер Бялыніцкі р-н Магілёўскай вобл. Арыштаваны 6.4.1930. Праходзіў па адной справе з царкоўным актывістам Фёдарам Шутавым (н. ў  1870). Асуджаны 28.5.1930 калегіяй АДПУ за «агітацыю супраць калгасаў» да 3 гадоў высылкі ў Сібір. Далейшы лёс невядомы. Рэабілітаваны 21.11.1989 пракурорам Магілёўскай вобл. Групавая справа К. і інш. № 11188 захоўваецца ў архіве УКДБ Магілёўскай вобл.

Кр.: БНДЦЭД.