Справочники писателя, историка, энциклопедиста Леонида Морякова "Репрессированные общественные и культурные деятели Беларуси"
Главная » Справочники » Репрессированные православные священно- и церковно-служители Беларуси, 1917-1967. Т. I » Том I » ВАЛАСЕВІЧ (ВОЛОСЕВИЧ) Міхаіл
ВАЛАСЕВІЧ (ВОЛОСЕВИЧ) Міхаіл
[1883, в. Гаруцішкі Мінскага пав., цяпер Дзяржынскі р-н Мінскай вобл. — 29.9.1948, Верхатур’е, Цюменскай вобл., Расія], педагог. Беларус. Сын Іаана Валасевіча* . Скончыў Мінскую духоўную семінарыю, Маскоўскую духоўную акадэмію (1908). У 1910-я г. памочнік назіральніка Слуцкага мужчынскага духоўнага вучылішча. У 1930-я г. старшы выкладчык БДУ. Падчас 2-й сусветнай вайны выкладчык пастырскіх курсаў, якія арганізаваў архіепіскап Філафей** . Арыштаваны 17.12.1944 у Мінску. Асуджаны 25.7.1946 асобай нарадай МДБ за «супрацоўніцтва з нямецкімі акупацыйнымі ўладамі» да 5 гадоў высылкі ў Цюменскую вобл. Загінуў у зняволенні. Рэабілітаваны 15.4.1993 пракуратурай Беларусі. Асабовая справа В. № 35132-с захоўваецца ў архіве КДБ Беларусі.
Кр.: Памятная книжка Минской епархии; НАРБ, ІКБР; Синодик за веру и церковь Христову пострадавших в Минской епархии.
* На службе з 1869. Псаломшчык Петра-Паўлаўскага храма в.? Гаруцішкі. 14.9.1885 рукапаложаны ў дыякана. У пачатку 1900-х г. дыякан Казанскай прывакзальнай царквы ў Мінску.
** [Філафей Нарко; 21.2.1905 — 11(24).9.1984, Гамбург, Германія], архіепіскап. У 1924—28 вучыўся на Багаслоўскім ф-це Варшаўскага ун-та. У 1928 пастрыжаны ў манахі, рукапаложаны ў?іераманаха. 23.11.1941 у Жыровіцкім манастыры архіепіскапам Панцеляіманам (Ражноўскім) і епіскапам Гродзенскім Венядзіктам (Бабкоўскім) хіратанісаны ў вікарнага епіскапа Слуцкага. З?1942 — епіскап Магілёўскі і Мсціслаўскі. Узведзены ў сан архіепіскапа. Пасля высылкі мітрапаліта Панцеляімана ў Ляды, потым Вілейку, кіраваў Мінскай епархіяй. У 1944 выехаў у Германію. З 1971 архіепіскап Берлінскі і Германскі.