Справочники писателя, историка, энциклопедиста Леонида Морякова "Репрессированные общественные и культурные деятели Беларуси"

Репрессированные православные священно- и церковно-служители Беларуси, 1917-1967. Т. I

Главная » Справочники  » Репрессированные православные священно- и церковно-служители Беларуси, 1917-1967. Т. I  » Том I  » БУКО Яўграф Якаўлевіч 

БУКО Яўграф Якаўлевіч

[1910, в. Маркі Дзісенскага пав. Віленскай губ., цяпер Шаркаўшчынскі р-н Віцебскай вобл. — 1939 (?), НКВД], дзядзька Вячаслава Ульянавіча Букі*. Скончыў Віленскую духоўную семінарыю, рукапаложаны ў іерэя і прызначаны настаяцелем Пакроўскай царквы в. Жыжма Лідскага пав., цяпер Іўеўскі р-н Гродзенскай вобл. Праз некаторы час пераведзены ў храм мяст. Іўе Ашмянскага пав., цяпер райцэнтр Гродзенскай вобл. У верас. 1939 пасля прыходу у Іўе Чырвонай арміі Б. выйшаў з дому і не вярнуўся. Жонка святара Яўгенія Іванаўна (з Яцкевічаў; у другой палове 1940-х г. выехала ў Польшчу) упэўнена, што муж быў схоплены супрацоўнікамі НКВД і, верагодна, забіты, бо неўзабаве на Іўеўскіх могілках прыхаджане знайшлі яго капялюш.

Кр.: З асабістага архіва В.У.Буко.


* Н. 20.10.1942 у в. Маркі. Бел. біяхімік, спецыяліст у галіне эксперыментальнай гепаталогіі. Доктар біялагічных навук (1990), прафесар (2000). Замежны член Нью-Йоркскай АН (1994), член Міжнароднай АН Еўразіі (1995), Еўрапейскай асацыяцыі па вывучэнні печані (1991), Міжнароднага і Еўрапейскага таварыстваў па біямедыцынскім вывучэнні алкагалізму (1994), Міжнароднага таварыства па вывучэнні ксенабіётыкаў (1996), Еўрапейскага таварыства клінічных даследванняў (1998). Скончыў Гродзенскі медыцынскі інстытут (1964). Працаваў у лячэбных установах Брэ­ста і Брэсцкай вобл. З 1971 у Інстытуце біяхіміі НАН Беларусі. Навуковыя працы па вывучэнню малекулярных механізмаў за­хворванняў і пашкоджання печані, уздзеянні акісляльнага стрэсу на структуру і функцыі печані, распрацоўцы метадаў фармакалагічнага ўздзеяння на паталогію печані і стварэнні новых лекавых сродкаў. Аўтар 420 навуковых прац.

 
 

© Леонид Моряков, 1997-2016.
Использование материалов сайта для публикаций без разрешения автора запрещено.

Создание и дизайн сайта - студия "Каспер".