БАДАГОЎСКІ (БОДАГОВСКИЙ) Міхаіл Васілевіч

[1892 (?), в. Забалоцце Ельнінскага пав. Смаленскай губ., цяпер Ельнінскі р-н Смаленскай вобл. — ?], абнаўленчы іерэй. Рускі. З духоўнага саслоўя. Скончыў духоўную семінарыю. Да арышту служыў у Петра-Паўлаўскім саборы ў Мінску. Быў жанаты, гадаваў двое дзяцей. Арыштаваны 29.12.1932 у Мінску па адрасе: вул. Мар’еўская, д. 4. Асуджаны 13.3.1933 асобай нарадай пры АДПУ за «антысавецкую агітацыю» дa 5 гадоў ППК. Далейшы лёс невядомы. Рэабілітаваны 21.6.1989 пракуратурай БССР. Асабовая справа Б. № 25287-с захоўваецца ў архіве КДБ Беларусі.

Кр.: БНДЦЭД.