АГЕЕЎ (АГЕЕВ) Міхаіл Савелевіч

[1876, Магілёў  — ?]. Беларус. З духоўнага саслоўя. Да арышту настаяцель Свята-Троіцкай царквы ў мяст. Галоўчын Магілёўскага пав., цяпер вёска Бялыніцкага р-на Магілёўскай вобл. Арыштаваны 30.12.1932. Асуджаны калегіяй АДПУ 9.6.1933 як «член контррэвалюцыйнай царкоўна-паўстанцкай антысавецкай арганізацыі» да 5 гадоў ППК. Этапаваны ў Сібірскі канцлагер АДПУ Новасібірскай і Кемераўскай абл. Вызвалены 3.10.1937. Далейшы лёс невядомы. Рэабілітаваны 18.7.1989 пракуратурай БССР. Групавая справа А. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.