Справочники писателя, историка, энциклопедиста Леонида Морякова "Репрессированные общественные и культурные деятели Беларуси"

Репрессированные литераторы, ученые, работники образования, общественные и культурные деятели Беларуси, 1794-1991. Т. I-III


Імянны паказальнік (тт. І — ІІІ-2д, .doc, 370 Кб)

Главная » Справочники  » Репрессированные литераторы, ученые, работники образования, общественные и культурные деятели Беларуси, 1794-1991. Т. I-III  » Том III. Кнiга II  » ЧЫЖ Вітаўт Станіслававіч 

ЧЫЖ Вітаўт Станіслававіч

[псеўд.: Альгерд Бульба, Ян Еленскі, Гідальго, Чыжук Ашмянскі; 1884. фальв. Антонішкі Ашмянскага пав. Віленскай губ., цяпер Астравецкі р-н Гродзенскай вобл. — 1939, Вільня, цяпер Вільнюс, Літва], бел. грамадскі дзеяч, пісьменнік, этнограф. Вучыўся ў гімназіі ў Варшаве. У снеж. 1905 за агітацыю супраць царызму на Ашмяншчыне арыштаваны і аддадзены пад суд. Летам 1906 уцёк у Галіцыю. Скончыў Львоўскі політэхнічны інстытут (1910). Вярнуўся ў Вільню. Друкаваўся ў газ. «Наша ніва» пад псеўданімамі, уваходзіў у склад рэдакцыі. Рэцэнзаваў зб. Я.Купалы «Гусляр», «Песні-жальбы» Я.Коласа. Пісаў пра грамадска-сацыяльныя погляды В.Дуніна-Марцінкевіча, яго ролю ў гісторыі бел. літаратуры, пра паэзію Т.Шаўчэнкі. Аўтар алегарычных апавяданняў і публікацый пра пастаноўкі Беларускага музычна-драматычнага гуртка, «Беларускую сюіту» Л.Рагоўскага, этнаграфічныя артыкулы пра народныя рамёствы, адзенне. Пераклаў на бел. мову творы М.Ляскова, Р.Данілеўскага, Л.Андрэева і інш. Адзін час быў актывістам евангельскай царквы, займаўся бізнесам. У 1920-я г. чыноўнік віленскай польскай адміністрацыі. З 1928 віцэ-прэзідэнт Вільні.

Кр. геагр.: Рапановіч. Слоўнік геаграфічных назваў.

Тв.: Колькі слоў аб дзявочай апратцы на Беларусі. Вільня, 1911.

Літ.: ЭЛіМБел, т. І.


 
 

© Леонид Моряков, 1997-2016.
Использование материалов сайта для публикаций без разрешения автора запрещено.

Создание и дизайн сайта - студия "Каспер".