Справочники писателя, историка, энциклопедиста Леонида Морякова "Репрессированные общественные и культурные деятели Беларуси"

Репрессированные литераторы, ученые, работники образования, общественные и культурные деятели Беларуси, 1794-1991. Т. I-III


Імянны паказальнік (тт. І — ІІІ-2д, .doc, 370 Кб)

Главная » Справочники  » Репрессированные литераторы, ученые, работники образования, общественные и культурные деятели Беларуси, 1794-1991. Т. I-III  » Том III. Кнiга II  » ЦЮРЫН Валянцін Нічыпаравіч 

ЦЮРЫН Валянцін Нічыпаравіч

[1927, в. Знаменка, цяпер Тамбоўская (?) вобл., Расія — ?], педагог. З сялянскай сям’і. Меў незакончаную вышэйшую адукацыю. Падчас арышту майстар вытворчага навучання Мінскага тэхнічнага вучылішча № 2. Быў жанаты, гадаваў дзіця. Паводле дадзеных следства, у 1956 спрабаваў стварыць падпольную «Усерасійскую рабоча-сялянскую партыю» дзеля барацьбы супраць КПСС і савецкай улады. Напісаў праграму і статут, вербаваў сяброў партыі». Арыштаваны 18.2.1957 у Мінску па адрасе: Загарадны зав., д. 56а, кв. 9. Асуджаны пазасудовым органам паводле артыкула «антысавецкая агітацыя і прапаганда» 29.4.1957 да 10 гадоў ППК і 5 гадоў пазбаўлення правоў. Этапаваны ў Дубраўны канцлагер МУС Мардоўскай АССР (пас. Явас Зубава-Палянскага р-на). Памілаваны 27.8.1963. У тым жа годзе вызвалены. Рэабілітаваны Вярхоўным судом Рэспублікі Беларусь 12.11.1993. Далейшы лёс невядомы. Асабовая справа Ц. № 35677-с з фотаздымкам захоўваецца ў архіве КДБ Беларусі.

Кр.: ДА РФ. Ф. 8131, воп. 31, спр. 88454; НАРБ, ІКР.

Літ.: 580, с. 306.


 
 

© Леонид Моряков, 1997-2016.
Использование материалов сайта для публикаций без разрешения автора запрещено.

Создание и дизайн сайта - студия "Каспер".