НАСАЧ Рыгор Мікалаевіч

[1920, в. Гута Багуслаўскага р-на Кіеўскай вобл., Украіна — ?], літаратурны работнік. З сялянскай сям’і. Атрымаў сярэднюю адукацыю. У час 2-й сусветнай вайны заставаўся на акупаванай тэрыторыі. Арыштаваны 2.8.1944 у Брэсце. Асуджаны пазасудовым органам НКВД 29.8.1944 за «работу ў выдавецтве і газеце пры нямецкіх акупантах» да 15 (потым заменена на 10) гадоў ППК і 5 гадоў пазбаўлення правоў. Далейшы лёс невядомы. Рэабілітаваны прэзідыумам Брэсцкага абл. суда 20.11.1991. Асабовая справа Н. № 10455-с захоўваецца ў архіве УКДБ Брэсцкай вобл.

Кр. геагр.: Административно-территориальное деление союзных республик.