ФІШАР Навум Ісакавіч

[1905, Мінск — ?], упаўнаважаны ЦК Яўрэйскай камуністычнай рабочай партыі «Паалей Цыён». Атрымаў сярэднюю адукацыю. Арыштаваны 3.12.1925 у Мінску па адрасе: вул. Савецкая, д. 78, кв. 1. Асуджаны 29.1.1926 калегіяй АДПУ за «контррэвалюцыйную агітацыю і сувязь з нелегальнай сіянісцкай арганізацыяй» да 3 гадоў ссылкі і 3 гадоў пазбаўлення правоў. 18.9.1926 высланы ў Сімферопаль, потым у Казахскую ССР. Далейшы лёс невядомы. Рэабілітаваны пракуратурай Беларусі 3.6.1992. Асабовая справа Ф. № 34091-с захоўваецца ў архіве КДБ Беларусі. Верагодна, былі рэпрэсаваны і сваякі Ф.