ЦЫЛЬКО Фёдар Андрэевіч

[1894, мяст. Капаткевічы Мазырскага пав. Мінскай губ., цяпер Петрыкаўскі р-н Гомельскай вобл. — 26.10.1937, Масква, НКВД], службовец. З бел. сялянскай сям’і. Атрымаў вышэйшую адукацыю. Уступіў у ВКП(б). Падчас арышту нам. наркама земляробства СССР. Арыштаваны 11.6.1937 у Маскве па адрасе: вул. Горкага, д. 26, д. 74. Асуджаны 26.10.1937 за «ўдзел у антысавецкай тэрарыстычнай арганізацыі» да ВМП. Расстраляны. Пахаваны разам з іншымі ахвярамі на Данскіх могілках. Рэабілітаваны ваеннай калегіяй Вярхоўнага суда СССР 8.2.1955

Кр.: Расстрельные списки: Донское кладбище. 1934—1940. М., 1993. Вып.1.

Кр. геагр.: Рапановіч. Слоўнік геаграфічных назваў.