АПАНОВIЧ Мiкалай Тарасавіч

[1911, в. Мохавiчы Вілейскага пав. Віленскай губ., цяпер Мядзельскі р-н Мінскай вобл. — ?], селянін-аднаасобнік, брат Сямёна Апановіча. Быў жанаты, гадаваў траіх дзяцей. Удзельнічаў у 2-й сусветнай вайне. Арыштаваны 24.12.1948 у в. Мохавічы. Асуджаны 20.7.1949 за «паклёп на савецкую ўладу» да 10 гадоў папраўча-працоўных лагераў і 5 гадоў пазбаўлення правоў. Этапаваны ў Каргапольскі канцлагер МДБ Архангельскай вобл. (ст. Ярцава); п/с 233/08). Вызвалены 27.12.1954. Далейшы лёс невядомы. Рэабiлiтаваны Вярхоўным судом Беларусі 28.12.1993. Асабовая справа А. № 35865-с з фотаздымкам захоўваецца ў архіве КДБ Беларусі.

Кр. геагр.: Волости и важнейшие селения; Назвы населеных пунктаў.

Літ.: Памяць: Гiст.-дакум. хронiка Мядзельскага р-на. Мн., 1998; Антысавецкія рухі.