Справочники писателя, историка, энциклопедиста Леонида Морякова "Репрессированные общественные и культурные деятели Беларуси"

Репрессированные литераторы, ученые, работники образования, общественные и культурные деятели Беларуси, 1794-1991. Т. I-III


Імянны паказальнік (тт. І — ІІІ-2д, .doc, 370 Кб)

Главная » Справочники  » Репрессированные литераторы, ученые, работники образования, общественные и культурные деятели Беларуси, 1794-1991. Т. I-III  » Том III. Кнiга I  » АНІСАЎ Майсей Васілевіч 

АНІСАЎ Майсей Васілевіч

[1905, в. Касцюкі Бабруйскага пав. Мінскай губ., цяпер Любанскі р-н Мінскай вобл. — 21.6.1958], партыйны дзеяч. З сялянскай сям’і. Атрымаў сярэднюю адукацыю. З 1924 інструктар Полацкага акружнога камітэта ЛКСМБ, затым загадчык арганізацыйнага аддзела Мазырскага акружкама камсамола, загадчык аддзела агітацыі і прапаганды Ельскага райкама КП(б)Б. У 1927—28 курсант школы Чырвонай арміі, пасля сканчэння якой абраны сакратаром Ельскага, затым Петрыкаўскага РК КП(б)Б. У 1930—33 студэнт-парттысячнік Мінскага энергетычнага і Ленінградскага электрамеханічнага інстытутаў. У 1933—35 сакратар Бягомльскага і Клімавіцкага РК КП(б)Б. З ліст. 1936 вучыўся ў Маскве ў Вышэйшай школе партарганізатараў пры ЦК ВКП(б), з ліп. 1937 другі сакратар Полацкага акружкама КП(б)Б. Быў жанаты, гадаваў дваіх дзяцей. Арыштаваны НКВД БССР 18.11.1937. Пастановай асобай нарады НКВД СССР 11.1.1940 як «член антысавецкай арганізацыі» асуджаны да 3 гадоў пазбаўлення волі. Вызвалены ў канцы 1940. Працаваў старшынёй райспажыўсаюза ў Краснаярскім краі. У чэрв. 1942 добраахвотна ўступіў у 78-ю Сталінскую брыгаду сібіракоў, якая была сфарміравана ў Краснаярску. Ваяваў на франтах 2-й сусветнай вайны, быў паранены. Пасля дэмабілізацыі дырэктар Жыровіцкага сельскагаспадарчага тэхнікума ў Слонімскім р-не Гродзенскай вобл. Рэабілітаваны трыбуналам БВА 10.12.1968. Асабовая справа А. захоўваецца ў архіве УКДБ Віцебскай вобл.

Кр. геагр.: Назвы населеных пунктаў.


 
 

© Леонид Моряков, 1997-2016.
Использование материалов сайта для публикаций без разрешения автора запрещено.

Создание и дизайн сайта - студия "Каспер".