ВАРДОМСКАЯ Любоў Сямёнаўна

[1928, Мінск — ?], навучэнка. З бел. сям’і. У час 2-й сусветнай вайны заставалася на акупаванай тэрыторыі, вучаніца і пеўчая духоўнага хору манастыра. Арыштавана 2.10.1944 у Мінску па адрасе: вул. Пераможная, д. 26, кв. 2. Асуджана 30.12.1944 як «член нацыяналістычнай арганізацыі «Саюза беларускай моладзі» і за «контррэвалюцыйную агітацыю» да 5 гадоў папраўча-працоўных лагераў. Вызвалена 4.12.1946. Далейшы лёс невядомы. Рэабілітавана пленумам Вярхоўнага суда СССР 11.5.1960. Асабовая справа В. № 11058-с захоўваецца ў архіве КДБ Беларусі.