КРЫЎКО Вольга Мікалаеўна

[1926, в. Карцэвічы Нясвіжскага пав. Навагрудскага ваяв., цяпер Нясвіжскі р-н Мінскай вобл. — ?], навучэнка. З бел. сялянскай сям’і. Мела незакончаную сярэднюю спецыяльную адукацыю. У час 2-й сусветнай вайны заставалася на акупаванай тэрыторыі, вучылася ў Нясвіжскай СШ. Арыштавана 10.1.1945 у Нясвіжы па адрасе: вул. Агародная, д. 1. Асуджана асобай нарадай пры НКВД 21.11.1945 як «член нацыяналістычнай арганізацыі СБМ» да 5 гадоў папраўча-працоўных работ. Этапавана ў Асобы лагер № 7 (?). 12.12.1949 саслана на пасяленне ў Краснаярскі край. Канчаткова вызвалена ў 1950. Далейшы лёс невядомы. Рэабілітавана 29.6.1993. Асабовая справа К. № 35192-с захоўваецца ў архіве КДБ Беларусі.

Кр. геагр.: Назвы населеных пунктаў; Волости и важнейшие селения.