ЕЎДАКІМАЎ Васіль Георгіевіч

[1905, в. Слюкава (?) Віцебскага пав., цяпер Віцебскі р-н — ?], навуковец. З сялянскай сям’і. Атрымаў вышэйшую адукацыю. У 1930-я г. загадваў Лепельскай ветэрынарнай бактэрыялагічнай лабараторыяй. Быў жанаты, гадаваў дзіця. Арыштаваны 10.7.1937 у Лепелі Віцебскай вобл. Асуджаны пазасудовым органам НКВД 3.9.1939 за «антысавецкую агітацыю» да 4 гадоў папраўча-працоўных лагераў. 17.9.1939 пастановай калегіі Вярхоўнага суда БССР вызвалены і рэабілітаваны. Далейшы лёс невядомы. Асабовая справа Е. № 6067-п захоўваецца ў архіве УКДБ Віцебскай вобл.