Справочники писателя, историка, энциклопедиста Леонида Морякова "Репрессированные общественные и культурные деятели Беларуси"

Репрессированные литераторы, ученые, работники образования, общественные и культурные деятели Беларуси, 1794-1991. Т. I-III


Імянны паказальнік (тт. І — ІІІ-2д, .doc, 370 Кб)

Главная » Справочники  » Репрессированные литераторы, ученые, работники образования, общественные и культурные деятели Беларуси, 1794-1991. Т. I-III  » Том III. Кнiга I  » БАРСУК Тамара 

БАРСУК Тамара

[н. 26.3.1929, в. Барсукi Глыбоцкага пав. Віленскага ваяводства, цяпер Глыбоцкі р-н Вiцебскай вобл. — ?], удзельніца антысавецкага маладзёжнага руху, сястра Алены і Ларысы Барсук. У 1939—44 вучылася ў Шкунцiцкай школе; увосень 1944 пайшла ў 9 клас Глыбоцкай СШ № 1. Праз навучэнку школы Лiдзiю Несцяровiч далучылася да маладзёжнай патрыятычнай арганiзацыi СБП. Арыштавана ў сак. 1947 на занятках у школе. Пасля вобыску кватэры, дзе Б. жыла, яе даставілі ў мінскую турму. За 3 месяцы знаходжання пад следствам да яе неаднаразова прымяняліся метады фiзічнага ўздзеяння. 20.6.1947 Б. асудзілі да 3 гадоў пазбаўлення волi. Тэрмiн адбывала ў Архангельску, Дудзiнцы, Нарыльску. Пасля вызвалення (вясна 1950) вярнулася ў Глыбокае, працягвала вучобу ў СШ № 1. Паступіць у Горацкую сельскагаспадарчую акадэмію ёй было адмоўлена па прычыне нядобранадзейнасцi. Скончыла завочнае аддзяленне Вiцебскага педагагічнага iнстытута, выкладала ў пачатковай школе ў вёсцы Шчумялi Шаркоўшчынскага р-на Вiцебскай вобл. У 1953 пабралася шлюбам з Iванам Лагуном. У 1958 яны пераехалі ў Глыбокае. Да выхаду на пенсiю ў 1991 працавала настаўнiцай у СШ № 2.

Кр. геагр.: Рапановіч. Слоўнік геаграфічных назваў.

Літ.: Гарт. З успамiнаў пра Саюз Беларускiх Патрыётаў. Мн., 1997; Антысавецкія рухі.


 
 

© Леонид Моряков, 1997-2016.
Использование материалов сайта для публикаций без разрешения автора запрещено.

Создание и дизайн сайта - студия "Каспер".