Справочники писателя, историка, энциклопедиста Леонида Морякова "Репрессированные общественные и культурные деятели Беларуси"

Репрессированные литераторы, ученые, работники образования, общественные и культурные деятели Беларуси, 1794-1991. Т. I-III


Імянны паказальнік (тт. І — ІІІ-2д, .doc, 370 Кб)

Главная » Справочники  » Репрессированные литераторы, ученые, работники образования, общественные и культурные деятели Беларуси, 1794-1991. Т. I-III  » Том II  » ЛАПІЦКІ Юльян Янавіч 

ЛАПІЦКІ Юльян Янавіч

[1829, в. Бачэйкава Лепельскага пав. Віцебскай губ., цяпер Бешанковіцкі р-н Віцебскай вобл. — 18.9.1894, маёнтак Гідлі Наварадамскага пав., Польшча], грамадскі дзеяч. Сын арандатара, брат Г.Лапіцкага. З сярэбраным медалём скончыў Мінскую гімназію. Затым вучыўся на прыродазнаўчым ф-це Пецярбургскага ун-та. Вярнуўшыся на Міншчыну, гаспадарыў у родавым маёнтку Буцавічы, дзе адным з першых у Беларусі ўвёў севазварот. Сканструяваў плуг, які быў адзначаны на сельскагаспадарчай выстаўцы ў Варшаве. Працаваў над вырашэннем сялянскага пытання, адмены прыгоннага права. У сувязі з гэтым у 1861 быў выбраны міравым пасрэднікам 2 акругі Мінскага пав. Пра непасрэдны ўдзел Л. ў паўстанні 1863 звестак няма, але тым не меней яго саслалі «ў глыб Расіі» на пасяленне. Паколькі вяртацца на Радзіму Л. было забаронена, з 1867 ён пасяліўся ў Варшаве, заняўся грамадскай і даследчыцкай дзейнасцю. Апублікаваў у варшаўскай перыёдыцы шмат артыкулаў па пытаннях рацыянальнага гаспадарання на зямлі.

Літ.: PSB XVIII.


 
 

© Леонид Моряков, 1997-2016.
Использование материалов сайта для публикаций без разрешения автора запрещено.

Создание и дизайн сайта - студия "Каспер".