ФЕДАРОВІЧ (ФЕДОРОВИЧ) Мікалай Грыгор’евіч

[1875, мяст. Цяцерын Магілёўскага пав., цяпер Круглянскі р-н Магілёўскай вобл. — ?], царкоўнаслужыцель, брат Аляксандра і Івана Федаровічаў. У пачатку 1900-х г. — псаломшчык Раства-Багародзіцкай царквы в. Новыя Маркавічы Рагачоўскага пав. Магілёўскай губ., цяпер Жлобінскі р-н Гомельскай вобл. 24.3.1906 пераведзены ў Свята-Троіцкі храм в. Белая Цэрква Сенненскага пав. Магілёўскай губ. (тагачасны паштовы адрас: ст. Чарэя), цяпер Чашніцкі р-н Віцебскай вобл. У 1920-я г. служыў у Параскева-Пятніцкім храме ў родным мястэчку. Арыштаваны 24.3.1931 са старастам і актыўнымі прыхаджанамі. Асуджаны 17.5.1931 асобай нарадай пры АДПУ за «антысавецкую агітацыю» дa 5 гадоў ППК. Далейшы лёс невядомы. Рэабілітаваны 20.10.1989 пракуратурай Магілёўскай вобл. Групавая справа Ф. і інш. № 13508-сн захоўваецца ў архіве КДБ Магілёўскай вобл.

Кр.: НАРБ, ІКБР; БНДЦЭД.