МАГДАЛІНА (КУНІЦКАЯ)

[Марыя Дамінікаўна; 1887, в. Слабодка Барысаўскага пав. Мінскай губ., цяпер Барысаўскі р-н Мінскай вобл. — ?], манахіня, сястра Марфы Куніцкай. У пачатку 1920-х г. прыхаджанка Іаанаўскага манастыра. У 1929 тайна прыняла манашаскі пострыг. Арыштавана 9.1.1932. Асуджана 22.3.1932 да 5 гадоў ППК. Этапавана ў Цемнікаўскі канцлагер АДПУ. Вызвалена 22.3.1933 датэрмінова з пазбаўленнем правоў жыць у 12 вызначаных местах. Далейшы лёс невядомы.

Літ.: Санкт-Петербургской епархии Синодик.