ЛЕВУСАЎ (ЛЕВУСОВ) Каліна Піменавіч

[1872, в.  Валымер Чэрыкаўскага пав. Магілёўскай губ., цяпер Мсціслаўскі р-н Магілёўскай вобл. (вёска не існуе) — ?], царкоўны стараста. Беларус. З сялянскай сям’і. Быў жанаты, меў чацвёра дзяцей. Арыштаваны 27.2.1932. Асуджаны з братамі Анісімам, Максімам, святаром Аляксіем Мазгайлам і інш. калегіяй АДПУ 9.4.1932 за «антысавецкую агітацыю і прапаганду» да 3 гадоў высылкі ў Сібір. Далейшы лёс невядомы. Рэабілітаваны Вярхоўным судом СССР 16.1.1989. Групавая справа Л. і інш. захоўваецца ў архіве УКДБ Магілёўскай вобл.

Кр.: НАРБ, ІКБР.