СЕРАФІМА АНТОНАВА (АНТОНОВА)

[Ксенія Кірылаўна; 1872, Віцебская губ. — 31.5.1942, ГУЛАГ], манахіня, сястра Ксеніі Антонавай. З 1900 паслушніца Сурскага Іаана-Багаслоўскага манастыра (цяпер Архангельская вобл.). Прыняла манашаскі пострыг. Пасля закрыцця манастыра жыла на яго тэрыторыі. Удзельнічала ў тайных богаслужэннях. Арыштавана 16.11.1941. Асуджана 27.5.1942 асобай нарадай пры НКВД за «контррэвалюцыйную агітацыю» да 5 гадоў пазбаўлення волі. Выслана ў Комі АССР. Загінула ў зняволенні. Рэабілітавана 10.4.1958.

Кр.: За веру Христову. Духовенство, монашествующие и миряне Русской Православной Церкви, репрессированные в Северном крае (1918—1951). Биографический справочник. Архангельск, 2006.