КОМАР Матфей Герасімавіч

[1874, в. Пацава Слабада Бабруйскага пав. Мінскай губ., цяпер Кіраўскі р-н Магілёўскай вобл. — 15.4.1943, ГУЛАГ], царкоўнаслужыцель. Беларус. З сялянскай сям’і. Да арышту служыў у Мікалаеўскай царкве ў роднай вёсцы. Арыштаваны 12.9.1937. Асуджаны 19.10.1937 са святаром Георгіем Лісоўскім, дыяканам Платонам Арэшкам і інш. тройкай НКВД за «антысавецкую агітацыю і ўдзел у контррэвалюцыйнай кулацкай арганізацыі» да 10 гадоў ППК. Этапаваны ў Карагандзінскі канцлагер НКВД Казахскай ССР. Загінуў у зняволенні. Рэабілітаваны пастановай прэзідыума Магілёўскага абл. суда 4.2.1961. Групавая справа К. і інш. № 7275-сн захоўваецца ў архіве КДБ Магілёўскай вобл.

Кр.: НАРБ, ІКБР.