ДАСЬКОЎ (ДАСЬКОВ) Емяльян Майсеевіч

[1877, мяст. Новы Быхаў Магілёўскай губ., цяпер Быхаў Магілёўскай вобл. — ?], дыякан. Беларус. З сялянскай сям’і. Арыштаваны 3.4.1932 у Оршы Віцебскай вобл. Праходзіў па адной справе са святаром Міхаілам Малачынскім, манахінямі Марыяй Валодчанка, Аннай Вішняковай, Меланіяй Вішняковай, Феадосіяй Гарбачэўскай, Меланіяй Груцавай, Марфай Гуцавай, Харыцінай Данільчанка, Праскоўяй Канышковай, Вольгай Корабавай, Марыяй Муштуковай, Васілісай Мяжуевай, Агаф’ей Рамановіч, манахам Васіліем Памінальным, актыўнымі прыхаджанамі. Асуджаны 9.8.1932 асобай нарадай пры АДПУ за «контррэвалюцыйную дзейнасць» дa 3 гадоў ППК. Далейшы лёс невядомы. Рэабілітаваны 9.2.1959 ваеннай калегіяй Вярхоўнага суда БССР. Групавая справа Д. і інш. № 6739-п захоўваецца ў архіве УКДБ Віцебскай вобл.

Кр.: БНДЦЭД.