ДАМУХОЎСКІ (ДОМУХОВСКИЙ) Мікалай Андрэевіч

протаіерэй. У 1948—56 у зняволенні. Пасля жыў у Вільнюсе ў сястры-інваліда Карасёвай В.А. З 19.5.1956 мітрапалітам Мінскім і Беларускім Піцірымам (Свірыдавым) прызначаны настаяцелем Пакроўскай царквы в. Богіна Браслаўскага р-на Віцебскай вобл. З 9.11.1957 святар Уладзімірскай епархіі.

12.8.1937 арыштаваны пеўчы хора Гур’еўскага храма Смаленскай вобл. Дамухоўскі Барыс Андрэевіч (н. ў 1895 у Смаленскай губ.), верагодна, брат Мікалая Дамухоўскага. Асуджаны ў 1937 тройкай НКВД за «антысавецкую прапаганду» да ВМП і расстраляны 14.9.1937.

Кр.: Архіў Мінскага епархіяльнага ўпраўлення, ф. 1, в. 2, с. 327; Смоленский мартиролог.