ГУТАР (ГУТОР) Еўфрасіння Цімафееўна

[1894, в.  Багудзенка Навагрудскага пав. Мінскай губ., цяпер Навагрудскі р-н Гродзенскай вобл. — ?], манахіня. Беларуска. З сялянскай сям’і. У першай палове 1920-х г. насельніца Спаса-Праабражэнскага манастыра ў Мінску. Потым прыхаджанка Мікалаеўскай царквы ў пас. Козырава (цяпер у межах Мінска). Арыштавана 27.4.1933 у Мінску па адрасе: Маляўскі зав., д. 28, кв. 1. Асуджана 7.6.1933 са святарамі і манахінямі Мінскай епархіі асобай нарадай пры АДПУ за «антысавецкую агітацыю» дa 3 гадоў пазбаўлення правоў жыць у 12 населеных пунктах і на Урале. Далейшы лёс невядомы. Рэабілітавана 12.6.1989 пракуратурай БССР. Асабовая справа Г. № 24819-с захоўваецца ў архіве КДБ Беларусі.

Кр.: НАРБ, ІКБР; БНДЦЭД; Синодик за веру и церковь Христову пострадавших в Минской епархии.