ГАРТЫНСКІ (ГОРТЫНСКИЙ) Васілій Андрэевіч

[1873, Магілёў — ?]. Беларус. З сям’і службоўца. У 1920-я г. член (паводле інш. звестак — старшыня) царкоўнага савета Іосіфаўскага кафедральнага сабора ў Магілёве. Арыштаваны 20.6.1927. Асуджаны калегіяй АДПУ 13.9.1927 за «антысавецкую агітацыю» да 8 гадоў ППК. Рэабілітаваны 17.11.1989 прэзідыумам Магілёўскага абл. суда.

Разам з Г. арыштавана і асуджана яго жонка, хатняя гаспадыня Гартынская Марыя Мікалаеўна (н. ў  1892 у Магілёве ў дваранскай сям’і, атрымала вышэйшую адукацыю). Групавая справа сям’і Г. і інш. № 11201 захоўваецца ў архіве УКДБ Беларусі. Іх далейшы лёс невядомы.

Кр.: БНДЦЭД; НАРБ, ІКБР; Шиленок Д., свящ. Из истории православной церкви в Белоруссии (1922—1939). Мн., 2006.