ГАНЗІН (ГАНЗИН) Васілій Сяргеевіч

[1895, Дзямідаў, цяпер райцэнтр Смаленскай вобл. — ?]. Беларус. Са шляхецкай сям’і. Скончыў Магілёўскую (?) духоўную семінарыю. Да арышту настаяцель царквы в. Машанакі Магілёўскага р-на. Арыштаваны 16.5.1932. Асуджаны 3.9.1932 з шэрагам святароў Магілёўскай епархіі калегіяй АДПУ як «удзельнік контррэвалюцыйнай групоўкі» і за «антысавецкую агітацыю» да 5 гадоў ППК. Далейшы лёс невядомы. Рэабілітаваны 31.10.1989 пракуратурай Магілёўскай вобл. і ўказам прэзідыума Вярхоўнага суда СССР 16.1.1989. Групавая справа Г. і інш. № 10669 захоўваецца ў архіве УКДБ Магілёўскай вобл.

Кр.: НАРБ, ІКБР.