Даведнiкi пiсьменнiка, гiсторыка, энцыклапедыста Леанiда Маракова «Рэпрэсаваныя грамадскiя i культурныя дзеячы Беларусi»
Галоўная » Даведнiкi » Рэпрэсаваныя праваслаўныя свяшчэнна- i царкоўнаслужыцелi Беларусi. 1917-1967. » Том I » АЛЯКСАНДР САУЛЬСКІ
АЛЯКСАНДР САУЛЬСКІ
[Аляксандр Ерафеевіч; 1876, в. Ачоса-Рудня Вылеўскай воласці Гомельскага пав. Магілёўскай губ. (тагачасны паштовы адрас: ст. Свяцк Новазыбкаўскага пав. Чарнігаўскай губ.), цяпер Добрушскі р-н Гомельскай вобл. — 1.6.1938, Благавешчанск, Амурская вобл., Расія], свяшчэннамучанік. Верагодна, брат Фёдара Ерафеевіча Саульскага* . Скончыў духоўную семінарыю. Рукапаложаны ў іерэя. Служыў другім святаром Свята-Троіцкага храма в. Мхінічы Чэрыкаўскага пав. Магілёўскай губ., цяпер Краснапольскі р-н Магілёўскай вобл. 11.2.1906 прызначаны настаяцелем храма. Арыштаваны ў 1934. Асуджаны да 5 гадоў ППК. Этапаваны ў Сярэднябельскі лагпункт Далёкаўсходняга краю. У лют. 1938 з епіскапам Белгародскім Антоніем (Панкевічам) асуджаны да ВМП. Расстраляны. Праслаўлены Архіерэйскім Саборам РПЦ у 2000 у ліку новамучанікаў.
Кр.: Памятная книжка Могилевской губернии; Православная энциклопедия. Т. 1, М., 2000. С. 481.
* Скончыў духоўную семінарыю. Рукапаложаны ў іерэя. У?1900—10-я г. настаяцель Мікалаеўскага храма в. Бялевічы (Вялікія або Малыя Бялевічы) Быхаўскага пав. Магілёўскай губ. (тагачасны паштовы адрас: ст. Сялец), цяпер Магілёўскі р-н.