АЛЕКСАНДРОВІЧ (АЛЕКСАНДРОВИЧ) Аляксандр Іванавіч

[1865 — 1938, Мазыр, турма НКВД]. Скончыў гарадское вучылішча. Рукапаложаны ў дыякана (1900). Служыў у царкве св. Марыі Магдаліны пры духоўным жаночым вучылішчы ў мяст. Парычы Бабруйскага пав. Мінскай губ., цяпер Светлагорскі р-н Гомельскай вобл., быў наглядчыкам вучылішча. У 1920-я г. настаяцель Раства-Багародзіцкай царквы в. Міхалкі Мазырскага пав. Мінскай губ., цяпер Мазырскі р-н Гомельскай вобл. Арыштаваны ў Мазыры. Асуджаны да ВМП. Расстраляны.

Кр.: Памятная книжка Минской губернии; Памятная книжка Минской епархии; Личный состав епархиального управления; НГАБ, ф. 2786, в. 1, с. 67; Памяць: Гісторыка-дакументальная хроніка Мазыра і Мазырскага раёна. Мн., 1997.