ПАРФЁНАЎ Міхаіл Кузьміч

[н. 1915, в. Ніжняя Ташчыца, цяпер Быхаўскі р-н Магілёўскай вобл.], механік. З бел. сялянскай сям’і. Верагодна, атрымаў сярэднюю спецыяльную адукацыю. Падчас арышту (4.9.1938) загадчык вучэбнай часткі будаўнічага атрада ва Уладзівастоку. 1.11.1938 асуджаны за «контррэвалюцыйную прапаганду і антысавецкую агітацыю» да 5 гадоў ППК і 3 гадоў пазбаўлення правоў. Этапаваны ў адзін з магаданскіх канцлагераў. Пасля вызвалення жыў у Магаданскай вобл. Паводле дадзеных следства, з лета 1956 слухаў перадачы замежных радыёстанцый і пераказваў іх змест сваім таварышам па рабоце. Асабліва абмяркоўвалася задушэнне Венгерскай рэвалюцыі 1956. Зноў асуджаны за «антысавецкую агітацыю і прапаганду» 30.4.1957. Далейшы лёс невядомы. Рэабілітаваны па першай справе пленумам Вярхоўнага суда БССР 6.8.1958, па другой 8.1.1960. Асабовая справа П. № 8751-сн захоўваецца ў архіве УКДБ Магілёўскай вобл.

Кр.: ДА РФ. Ф. 8131, воп. 31, спр. 77597; НАРБ, ІКР.

Кр. геагр.: Рапановіч. Слоўнік геаграфічных назваў.

Літ.: 580, с. 306.