МЕЖНІНА Лідзія Паўлаўна

[1925, Мінск — ?], артыстка. З сям’і рабочага. Мела незакончаную сярэднюю спецыяльную адукацыю. Працавала ў Беларускім тэатры оперы і балета. Арыштавана 22.1.1945 у Мінску па адрасе: вул. Танкавая, д. 38, кв. 1. Асуджана асобай нарадай пры НКВД 4.3.1946 як «сацыяльна-небяспечны элемент» да 5 гадоў пазбаўлення волі. Этапавана ў Цюменскую вобл. Далейшы лёс невядомы. Рэабілітавана пракуратурай РБ 19.11.1992. Асабовая справа М. № 34990-с захоўваецца ў архіве КДБ Беларусі.