МАЧАЛЬСКІ Леанід Сяргеевіч

[1923, Мінск — ?], артыст. З сям’і рабочага. Атрымаў сярэднюю адукацыю. У час 2-й сусветнай вайны заставаўся на акупаванай тэрыторыі, працаваў у Першым беларускім драматычным тэатры (?), жыў у Мінску па адрасе: 2-гі Грыгор’еўскі зав., д. 3, кв. 1. Арыштаваны 2.1.1944 (?). Асуджаны асобай нарадай пры НКВД 28.7.1945 за «супрацоўніцтва з нямецкімі акупантамі» да 4 гадоў ППК. Далейшы лёс невядомы. Рэабілітаваны прэзідыумам Мінскага аблсуда 22.2.1990. Асабовая справа М. № 30589-с захоўваецца ў архіве КДБ Беларусі.