НЯХЛЮДАВА Роза Абрамаўна

[1904, Мінск — ?], літаратурны работнік, жонка Яўсея Няхлюдава. З сям’і службоўца. Атрымала сярэднюю адукацыю. Падчас арышту працавала ў Беларускім дзяржаўным выдавецтве. Арыштавана разам з мужам 27.10.1930 у Мінску па адрасе: вул. Рэспубліканская, д. 3, кв. 3. Асуджана паводле пастановы калегіі АДПУ СССР 6.6.1931 за «дапамогу ў злачынстве» да 3 гадоў ссылкі. Далейшы лёс невядомы. Рэабілітавана пракуратурай Беларусі 25.11.1992. Справа сям’і Н. № 35000-с з фотаздымкам захоўваецца ў архіве КДБ Беларусі.