ФРАЙМАН Майсей Альбертавіч

[1903, Магілёў (?) — ?], інжынер, начальнік аддзела будтрэста. Быў членам КПСС. Як сцвярджала следства, у 1950—52 Ф. «сістэматычна расказваў антысавецкія анекдоты, накіраваныя на скажэнне падаткавай сістэмы, савецкай літаратуры і матэрыяльнага становішча працоўных СССР», бэсціў мясцовыя ўлады, параўноўваў абл. выканаўчы камітэт з гестапа, казаў, што «савецкая літаратура аднатонная, нецікавая, што пісьменнікам даюць адны і тыя ж сумныя тэмы», «называў камуністаў дармаедамі і смаркачамі», казаў, што да камунізму не дажыць, але пры камунізме жонкі будуць агульнымі. Арыштаваны 11.11.1953. Асуджаны паводле артыкула «антысавецкая агітацыя і прапаганда» 30.4.1954(?). Рэабілітаваны 11.7.1962.

Кр.: ДА РФ. Ф. 8131, воп. 31, спр. 38758; Ф. 9474, воп. 40, спр. 226.

Літ.: 580, с. 91—92.