МЯЧЫНСКІ Яўген Станіслававіч

[1898, Херсон, цяпер Украіна — ?], навуковец, педагог. З сям’і служачага. Атрымаў вышэйшую адукацыю. Быў жанаты, гадаваў дзіця. Падчас арышту старшы навуковы супрацоўнік Горацкай сельскагаспадарчай акадэміі. Арыштаваны 11.8.1933. Асуджаны «тройкай» НКВД 14.11.1933 як «член шпіёнска-дыверсійнай арганізацыі БНЦ» да 10 гадоў ППК. Далейшы лёс невядомы. Рэабілітаваны судовай калегіяй Вярхоўнага суда БССР 7.5.1956. Групавая справа М. і іншых выкладчыкаў Горацкай акадэміі № 5937-с захоўваецца ў архіве КДБ Беларусі.