ЯСІНСКІ Аляксандр Міхайлавіч

[1895, в. Лучыцы Мазырскага пав., цяпер Петpыкаўскі p-н Гомельскай вобл. — ?], медык, брат Валянціна і Міхаіла Ясінскіх. З сям’і святара. Атрымаў вышэйшую адукацыю. Загадчык Рачэнскай амбулаторыі (?) Любанскага р-на Мінскай вобл. Быў жанаты, гадаваў траіх дзяцей. Арыштаваны 16.3.1933 у в. Рачэнь. Асуджаны 17.5.1933 за «антысавецкую дзейнасць» і як «член контррэвалюцыйнай групоўкі» да 3 гадоў пазбаўлення волі. Далейшы лёс невядомы. Рэабілітаваны пракуратурай Мінскай вобл. 31.5.1989. Асабовая справа Я. № 23087-с захоўваецца ў архіве КДБ Беларусі.

Кр. геагр. Рапановіч. Слоўнік геаграфічных назваў.