МАЛЫШАЎ Фёдар Васілевіч

[1.2.1903, в. Дзьякаў, цяпер Лежнеўскі р-н Іванаўскай вобл., Расія — ?], навуковец, педагог. З сям’і рабочага. Атрымаў вышэйшую або незакончаную вышэйшую адукацыю. Уступіў у ВКП(б). Падчас арышту рэктар Камуністычнага інстытута. Быў жанаты, гадаваў дзіця. Арыштаваны 29.6.1936 у Мінску ў гасцініцы «Еўропа». Асуджаны асобай нарадай пры НКВД 5.10.1936 за «контррэвалюцыйную агітацыю» да 5 гадоў папраўча-працоўных работ. Этапаваны ў Паўночна-Усходні канцлагер НКВД (Магадан, Хабараўскі край; бухта Нагаева, Далёкаўсходні край). Рэабілітаваны. Асабовая справа М. № 24735-с захоўваецца ў архіве КДБ Беларусі.

Кр. геагр.: Административно-территориальное деление союзных республик.