КАРНІЛАЎ Канстанцін Антонавіч

[1906, Лібава, цяпер Латвія — ?], артыст. З сям’і рабочага. Атрымаў сярэднюю спецыяльную адукацыю (?). Працаваў салістам у канцэртнай групе Беларускага тэатра оперы і балета. Падчас 2-й сусветнай вайны знаходзіўся на акупаванай тэрыторыі. Арыштаваны 29.7.1944 у Мінску па адрасе: вул. Мопраў­ская, д. 83, кв. 1. Асуджаны асобай нарадай пры НКВД 30.6.1945 за «пасобніцтва нямецкім акупацыйным уладам» да 5 гадоў ППК. Вызвалены 29.7.1949. Далейшы лёс невядомы. Рэабілітаваны 27.5.1960 калегіяй па крымінальных справах Вярхоўнага суда БССР. Асабовая справа К. № 16407-с з фота­здымкам захоўваецца ў архіве КДБ Беларусі.