БУРЫ Аляксандр Сцяпанавіч

[1927, Мінск — ?], вайсковец. Меў незакончаную сярэднюю спецыяльную адукацыю. Быў членам ВЛКСМ. Падчас арышту матарыст вайсковай часці № 45036. Арыштаваны 19.2.1961 у Мінску. Асуджаны за «антысавецкую агітацыю і прапаганду» 14.7.1961 да 7 гадоў папраўча-працоўных работ. Этапаваны ў адзін з канцлагераў Комі АССР. Вызвалены ў 1966. Далейшы лёс невядомы. Рэабілітаваны 3.7.1989 пракуратурай БВА. Асабовая справа Б. № 27163-с з фотаздымкам захоўваецца ў архіве КДБ Беларусі.