БАРТАШЭВІЧ Марыя

[н. каля 1930, непадалёку ад мяст. Крэва (магчыма, в. Войневiчы) Ашмянскага пав. Віленскага ваяв., цяпер Смаргонскі р-н Гродзенскай вобл. — ?], удзельнiца антыкамунiстычнага маладзёжнага падполля. Вучылася ў Смаргонскай СШ. У 1949 у 10-м класе далучылася да падпольнай вучнёўскай арганiзацыi. У пачатку 1950 арыштавана. У лiп. таго ж года на працэсе супраць удзельнiкаў Мядзельска-Смаргонскага падполля асуджана трыбуналам БВА да 10 гадоў папраўча-працоўных лагераў. Далейшы лёс невядомы.

Кр. геагр.: Рапановіч. Слоўнік геаграфічных назваў.

Літ.: Антысавецкія рухі.