БАЛІН Станіслаў

[1897, мяст. Трокі Віленскай губ., цяпер Тракай, Літва — 1937, ГУЛАГ], дзеяч рэвалюцыйнага руху ў Зах. Беларусі. Кіраўнік польскай сялянскай партыі «Вызволене». Дэпутат польскага сейма з 1922. Разам з іншымі дэпутатамі восенню 1924 выйшаў з партыі і стварыў «Незалежную сялянскую партыю». За рэвалюцыйную дзейнасць арыштаваны ў 1927 і асуджаны на турэмнае зняволенне. Пасля адбыцця тэрміну эміграваў у СССР. Арыштаваны НКВД СССР і расстраляны.

Кр. геагр.: Административно-территориальное деление союзных республик.

Літ.: Валахановіч А.І., Міхнюк У.М. Споведзь у надзеі застацца жывым: Аўтабіяграфія Браніслава Тарашкевіча. Мн., 1999. С. 167.