КУЗНЯЦОЎ Лейб Шлемавіч

[студз. 1907, Барысаў Мінскай губ., цяпер Мінскай вобл. — 24.11.1937, Мінск, НКВД], службовец. З сям’і рабочага. Атрымаў сярэднюю спецыяльную адукацыю. Уступіў у ВКП(б) (1927). Падчас арышту старшыня Камітэта па справах фізкультуры і спорту пры СНК БССР. Быў жанаты, гадаваў дваіх дзяцей Арыштаваны 24.11.1937 у Мінску на Усебеларускім стадыёне. У сувязі з арыштам выключаны з ВКП(б). Асуджаны пазасудовым органам НКВД 24.11.1937 як «актыўны член антысавецкай маладзёжнай тэрарыстычнай арганізацыі правых» да ВМП з канфіскацыяй маёмасці. Расстраляны. Рэабілітаваны ваеннай калегіяй Вярхоўнага суда СССР 4.8.1956. Асабовая справа К. № 6869-с захоўваецца ў архіве КДБ Беларусі.