ГАРЫЗОНТАЎ Пётр Дзмітрыевіч

[1902, Петрапаўлаўск, Расія — ?], навуковец. З сям’і рабочага. Атрымаў вышэйшую адукацыю. Падчас арышту супрацоўнік Інстытута свінагадоўлі. Арыштаваны 26.3.1931 у Мінску па адрасе: вул. Нова-Серпухоўская, д. 25, кв. 2. Абвінавачваўся як «член контррэвалюцыйнай шкодніцкай арганізацыі, што існавала ў сістэме наркамата аховы здароўя БССР». Паводле пастановы калегіі АДПУ СССР 29.1.1932 вызвалены (з залікам тэрміну папярэдняга зняволення). Далейшы лёс невядомы. Рэабілітаваны ваеннай калегіяй Вярхоўнага суда БССР 27.7.1956. Асабовая справа Г. № 6736-с з фотаздымкам захоўваецца ў архіве КДБ Беларусі.