ВАЙЦЯНКОЎ Міхаіл Канстанцінавіч

[1900, в. Дзераўцы Бабруйскага пав. Мінскай губ., цяпер Асіповіцкі р-н Магілёўскай вобл. — 25.1.1940, Масква, НКВД], службовец, вайсковец. З бел. сялянскай сям’і. Атрымаў вышэйшую адукацыю. Уступіў у ВКП(б). Падчас арышту камандзір брыгады, нам. начальніка ўпраўлення ваеннага забеспячэння НКВД СССР. Арыштаваны 30.4.1939 у Маскве па адрасе: вул. Пакроўка, д. 20/1, кв. 4. Асуджаны ваеннай калегіяй Вярхоўнага суда СССР 24.1.1940 за «ўдзел у змове» да ВМП. Расстраляны. Пахаваны разам з іншымі ахвярамі на Данскіх могілках. Рэабілітаваны 21.3.1956.

Кр.: Расстрельные списки: Донское кладбище.

Кр. геагр: Рапановіч. Слоўнік геаграфічных назваў.