ДАВЫДЗЕНКА Сяргей Аляксандравіч

[1895, в. Байкі Пружанскага пав. Гродзенскай губ., цяпер Пружанскі р-н Брэсцкай вобл. — ?], службовец. З бел. сялянскай сям’і. Атрымаў вышэйшую адукацыю. Падчас арышту інжынер-хімік, лабарант абл. санітарна-гігіенічнай лабараторыі. Арыштаваны 17.1.1949 у Омску. Асуджаны трыбуналам войск НКВД Омскай вобл. 23.3.1949 як «член антысавецкай тэрарыстычнай арганізацыі» да 25 гадоў папраўча-працоўных лагераў. 10.7.1956 артыкул абвінавачання быў зменены на «антысавецкую агітацыю» з мерай пакарання 5 гадоў пазбаўлення волі. Далейшы лёс невядомы. Рэабілітаваны пракуратурай Омскай вобл. 24.12.1991.

Кр.: Книга памяти жертв политических репрессий Омской области.

Кр. геагр.: Рапановіч. Слоўнік геаграфічных назваў.