ВАГЕР Любоў Лазараўна

[1891, Мінск — ?], служачая. З сям’і службоўца. Атрымала вышэйшую адукацыю. Працавала загадчыцай секцыі (аддзела) Цэнтральнага статыстычнага ўпраўлення БССР. Выйшла замуж, гадавала дваіх дзяцей. Арыштавана 4.1.1931 у Мінску па адрасе: вул. Кастрычніцкая, д. 11, кв. 1. Асуджана паводле пастановы калегіі АДПУ СССР 30.5.1931 як «член контррэвалюцыйнай арганізацыі «Працоўная сялянская паpтыя» да 3 гадоў пазбаўлення волі. Пакаранне адбывала ў Казахстане. Далейшы лёс невядомы. Рэабілітавана трыбуналам БВА 22.4.1958. Асабовая справа В. № 11847-с з фотаздымкам захоўваецца ў архіве КДБ Беларусі.