Галоўная » Даведнiкi » Рэпрэсаваныя лiтаратары, навукоўцы, работнiкi асветы, грамадскiя i культурныя дзеячы Беларусi. 1794-1991. » Том I » ДВАРЭЦКІ Мікола
[псеўданім: Мікола Базылюк; 6.9.1903, мяст. Іказнь Браслаўскага пав. Віленскай губ., цяпер Браслаўскі р-н Віцебскай вобл. — 15.8.1988, Лембарк, Польшча], рэлігійны дзеяч, паэт, публіцыст. Пасля 1-й сусветнай вайны сям’я вярнулася з бежанства ў Беларусь. Д. вучыўся ў 7-гадовай школе ў Вільні. Дзеяч Беларускай хрысціянскай дэмакратыі; на пачатку 1930-х г. быў адным з ініцыятараў утварэння праваслаўнай фракцыі БХД. Друкаваўся ў заходнебел. пераважна хадэцкіх перыядычных выданнях з 1921. Арыштоўваўся польскімі ўладамі ў 1928. У 1939—41 працаваў настаўнікам у Міёрах. У 1942 адпраўлены немцамі на прымусовыя работы ва Усх. Прусію. З 2-й паловы 1940-х г. жыў на Польскім Памор’і. Апошнія гады жыцця правёў у Лембарку недалёка ад Гданьска.
Літ.: Гарбінскі БРД.
|
© Леанiд Маракоў, 1997-2016.
Выкарыстанне матэрыялаў сайта для публікацый без дазволу аўтара забаронена.