МАКАРЧУК Аляксандр Якаўлевіч

[1888, в. Ванелевічы, цяпер Крупскі р-н Мінскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам у тагачасным Церахаўскім р-не. Быў жанаты, меў сыноў Анатолля (13 гадоў), Міхаіла (11), Уладзіміра (3). Арыштаваны 2.5.1933. Асуджаны калегіяй АДПУ 10.8.1933 як “удзельнік контррэвалюцыйнай нацыяналістычнай арганізацыі” да 2 гадоў пазбаўлення волі. Этапаваны ў Казахстан. Далейшы лёс невядомы. Рэабілітаваны Вярхоўным Судом БССР 24.8.1956. Групавая справа М. і інш. № 14618 з фотаздымкам захоўваецца ў архіве КДБ Беларусі.