ЛЬВОВІЧ Ісак Якаўлевіч

[1904, в. Кнорына (?) Ігуменскага пав. Мінскай губ., цяпер Пухавіцкі р-н Мінскай вобл. – ?]. Атрымаў сярэднюю адукацыю. Працаваў прыватным настаўнікам у Пухавічах. Арыштаваны 24.2.1926. Асуджаны 28.5.1926 асобай нарадай пры АДПУ як “член нелегальнай маладзёжнай арганізацыі” да 3 гадоў пазбаўлення волі. Этапаваны ва Усць-Сысольск (?). Другі раз асуджаны 18.1.1929 да 3 гадоў пазбаўлення правоў. Далейшы лёс невядомы. Рэабілітаваны Пракуратурай Беларусі 13.6.1992. Групавая справа Л. і інш. № 34327-с захоўваецца ў архіве КДБ Беларусі.